BATSOY NGA MAY MISWA

Una nga Paagi:

Mga Panakot:

¼ kilo nga laman loob san baboy

      (pahalaba an tiros, 1 ngan tunga ka pulgada)
5 guhit san lapay (pahalba an tiros, 1 ngan tunga ka pulgada)
5 ka dahon san sibulyino nga bata pa (gudti an katiros)
1 nga Bumbay (tiniros pan-gisa)
2 ka tipak san pinitpit nga lasona
2 ka putos san miswa
1 ka tasa san hinarasan san pagtuon

½ nga baso nga tubig
1 ka utod san luya (Tiniros nga pahalaba)

2 ka kutsarita san patis

Proseso san Pagluto: 

1. Igisa an lasuna, luya ngan bumbay, isunod an lamang-loob ngan lapay. Timplahan san guti-ay

    nga patis.

2. Pagkaladkad, ayawi san tunga nga baso nga tubig. Hulta nga kumaladkad utro.

3. Pagyomo san karne, ibuhos an hinaras nga sabaw ngan budbudri san sibolyino.

4. Hulta pagkaladkad utro ngan ibutang an Miswa.

5. Tilawan kun tama na an timpla, ayaw asin kun matab-ang pa, depende san panrasa.

6. Kun tama na an rasa, pataya na an kalayo kay malalata an miswa.

7. Igserbi.

Ikaduha nga Paagi:

Pareho gihapon san Una nga paagi pati an mga panakot ngan proseso. Ugaring la kay imbis nga miswa an ibutang, dugo san baboy an gagamiton. (Bug-os ngan tiniros san pahalaba 1 ngan tunga ka pulgada, kasindako san lapay ngan baboy) ngan urhi manta nga isasalakot an dugo.